إزاي بنحافظ على بياناتك
بنسجل إيه؟
- الاسم، والرقم القومي، ورقم الموبايل.
- المنطقة وفصيلة الدم، لو كتبتهم.
- السن والنوع، وبيتحسبوا أوتوماتيك من الرقم القومي.
- موافقتك على التواصل في حالات الطوارئ.
إجابات الأسئلة الصحية مش بتتحفظ خالص. بنستخدمها في موبايلك بس عشان نقولك إذا كان ينفع تتبرع.
بنستخدمها في إيه؟
- تنظيم يوم الحملة وتسليم كشف المتبرعين لبنك الدم في مستشفى فاقوس العام.
- التواصل معاك لو حصل تغيير في الميعاد.
- التواصل معاك لو حد احتاج دم في حالة طوارئ، ده بس لو وافقت.
مين يقدر يشوفها؟
منظمين الحملة بس، بحساب محمي بكلمة سر. البيانات مش بتظهر لأي حد تاني، ومش بتتباع ولا بتتنشر. والاستعلام على الموقع بيقول "مسجل" أو "مش مسجل" بس، من غير أي بيانات.
لو اتصرفلك دم من رصيد الحملة
بنسجل اسم المريض ورقمه القومي، وبيانات المرافق وموبايله، وسبب الاحتياج بشكل مختصر، والمستشفى، والفصيلة، وعدد الأكياس. البيانات دي بتتكتب في طلب الدم على الموقع أو وقت الصرف، عشان نتأكد من الحالة ونتابع الرصيد. المسؤولين عن الصرف بس اللي بيشوفوها، والموقع بيعرض للناس عدد الأكياس والحالات بس. إشعار الطلب الجديد اللي بيوصلهم على تيليجرام فيه رقم الطلب وعدد الأكياس والمستشفى بس، من غير اسم المريض أو رقمه أو حالته. وصفحة متابعة الطلب بتعرض الحالة بس، لمين عنده رقم الطلب والموبايل. ولو وافقت، ممكن نكلمك قبل الحملة الجاية عشان نشجعك تتبرع.
عايز تمسح بياناتك؟
كلم منظمين الحملة (01008933525 أو 01021337788 أو 01004001018)أو ابعتلنا طلب، وهنكلمك على رقمك عشان نتأكد إن الطلب منك وبعدها نمسحها.
الاقتراحات والشكاوى
لو بعتلنا شكوى أو اقتراح، بنحفظ الرسالة، ولو طلبت إننا نكلمك بنحفظ اسمك ورقمك كمان. أدمن الحملة بساللي بيشوفها، وبنستخدم الرقم في الرد على رسالتك دي بس.